Pilates
LUNS E MÉRCORES ÁS 19.00 / 20.00 / 21.00
MARTES E XOVES ÁS 19.30
(55 min de clase)
O Pilates é unha disciplina física e mental que se centra en traballar os músculos posturais máis internos. Cun especial fincapé na respiración e no aliñamento, logramos reeducar o noso corpo, fancéndoo cada vez máis equilibrado, forte e flexible. A metodoloxía axúdache a estilizar a figura e a mellorar a postura corporal, ademais de liberar estrés e tensión.
Indicado para persoas de calquera idade e condición física, o Pilates abordámolo de forma lenta e moi controlada, polo que os resultados se manteñen no tempo. A disciplina está especialmente recomendada para persoas que sofren dor de costas.
En Perla de Arousa baseámonos na metodoloxía de Body Control Pilates que é a maior organización profesional de Pilates en Europa ademais dun referente mundial en calidade de ensino. Co propósito de crear unha conciencia total do corpo, cada exercicio está construído ao redor destes oito principios básicos:
- Relaxación
- Coordinación
- Aliñamento
- Estamina
- Concentración
- Control
- Respiración
- Fluidez de movemento
«Grupos 12 persoas máximo«
“En 10 sesións sentirás a diferencia, en 20 verás a diferencia, en 30 terás un corpo totalmente novo”
Joseph Pilates
Ver imaxes Pilates
«Grupos 8 persoas máximo.«
Ver imaxes Pilates embarazadas e postparto
Pilates para embarazo e posparto
AULAS LUNS ÁS 17 HORAS
(55 minutos de clase)
O PILATES NO EMBARAZO AXUDA:
- A adquirir conciencia corporal o que che axudará a manterte en harmonía co teu bebé medrando dentro de ti.
- Cos cambios posturais causados polo incremento xeral de peso e o adquirido por causa do bebe, o útero e peitos. Isto reduce as dores e molestias xerais.
- Cos cambios hormonais e o seu efecto na laxitude dos ligamentos das articulacións, que poden orixinar dor na zona lumbar, na articulación sacro-ilíaca e na sínfisis púbica.
- A construír un «corset» natural para suxeitar a túa columna e ó teu bebé, xa que se mellora a estabilidade do centro, da pelvis, da cintura escapular e das cervicais.
- Mellora a coordinación e o equilibrio.
- A manter a función abdominal e correxir patoloxías da diastasis do recto abdominal.
- A manter a saúde dos sistemas do corpo: circulatorio, linfático, respiratorio, digestivo e reproductor.
- A construir ferramentos para respirar e relaxarse, o que reduce o estrés e a ansiedade, ademáis de mellorar a conciencia da respiración como ferramenta para lidiar ca dor do parto.
- A entender a harmonía co teu corpo e aprender a traballar con el durante o parto. Moitos exercicios axudan a que o bebé se coloque na posición correcta. Tamén hai exercicios que axudan a estar cómodas nas diferentes posicións de parto.
- Para educar e controlar o solo pélvico, incluíndo como relaxalo en vistas o parto.
- A reducir o extreñimento.
- A mellorar a calidade do sono.
O PILATES NO POSTPARTO AXUDA:
- A prepararte para tódolos coidados propios da maternidade: agacharse, axeonllarse e levar o bebé no colo.
- A recuperar o tono abdominal e a mellorar a división abdominal (diástasis) en caso de tela.
- Durante o embarazo a caixa torácica se eleva e ensancha para acomodar o bebé que medra, pilates pode axudar a recolocar as costelas de novo no seu sitio.
- A restaurar o solo pélvico, axudando con problemas como a incontinencia urinaria.
- A previr problemas comúns das articulacións como a dor da cintura pélvica.
- A liberar endorfinas, que son as «hormonas da felicidade».
- Á saude mental, axudando a desestresarse e aprender a relaxarse.
- A lidiar co teu peso, tono xeral e volver a recuperar a túa figura.
Pilates Diástase Abdominal
CONSULTAR HORARIOS
Cando hai unha separación do recto abdominal superior a 2-3 dedos de distancia, temos que levar a cabo un tipo de traballo específico para tratar de recuperar a integridade da musculatura abdominal.
A diástase abdominal afecta a mulleres, normalmente despois dos embarazos, pero tamén ós homes, principalmente os que teñen sobrepeso.
As diástase pode desembocar en hernias, polo que é moi importante poñerte en boas mans para aprender a controlala. O traballo consciente de respiración, aliñación, activación do transverso e recto abdominal, fortalecemento da cadea posterior muscular… axuda a reducir a diástase, ou en casos onde iso non se logra, a mellorar a funcionalidade abdominal tan necesaria para dar soporte á pelvis e á columna.
«Sesións privadas«
Danza
HORARIOS SEGUNDO O NIVEL
BALLET CLÁSICO
Sutil, fermoso, delicado, máxico… palabras que calquera de nos podería usar para definir esta arte en estado puro! A danza clásica vai moito máis aló do movemento, é unha forma de expresión de sentimentos e emocións. A través do ballet aprendemos unha linguaxe non verbal na que transformamos o esforzo en gracia.
En Perla de Arousa poderás gozar do sistema de formación da prestixiosa organización de danza Royal Academy of Dance. Ofrecemos a posibilidade de que os alumnos se presenten a exame e obter así unha titulación recoñecida internacionalmente. Os nenos experimentarán o pracer do movemento, mentres disciplinan corpo e mente e alimentan o espírito.
BALLET GALEGO
Partindo do legado do extinto Ballet Galego Rey de Viana, xuntamos o noso baile tradicional coa técnica clásica do ballet para ofrecer unha expresión única do folclore galego onde as lendas e tradicións se converten en movemento.
Os alumnos mais veteranos da escola conforman o Ballet Perla de Arousa que a día de hoxe conta cunha enorme traxectoria nacional (Madrid, Tenerife, Toledo, Ceuta…) e internacional (Nova York, Portugal, Francia…), e con recoñecementos coma o Premio César Dios “Diosiño” (Premio Cultural da Deputación de Pontevedra, 2009).
Como amantes da nosa cultura, Perla de Arousa segue a esparexer o carácter galego en forma de danzas cheas de cor e vida.
Capoeira
«Admisión de alumnos/as dende os 3 anos.«
Ver imaxes Capoeira
AULAS LUNS E MÉRCORES
NENOS 3-5 ANOS: 17.30-18.30
NENOS 6-12 ANOS: 18.45-19.45 ou 19.50-20.50
ADULTOS: 21.00-22.30
AULAS VENRES
19.30-21.00 ADULTOS
21.00-22.00 RODA CAPOEIRA
Da man de Daniel Barcala chega a capoeira á escola! Esta expresión popular da cultura afro-brasileira engloba aspectos da loita, danza, música e historia, entre outros.
Con esta disciplina mellorarás o teu equilibrio, coordinación, control e consciencia corporal, forza, reflexos… pero tamén aspectos a nivel psicolóxico e emocional como a autoconfianza, seguridade, disciplina, integración social, respeto, liberdade, autonomía, sacrificio e cooperación.
